حلوى سهلة للمناسبات

المقادير:
العجينة:
رطل زبدة
200غ سكر قلاصى
نص كاس حليب
بيضة
ملعقة خميرةحلويات
فاني
فرينة حسب الحاجة
الحشو:
جوز هند
كاكاو
التزيين:
شوكولا سوداء
وردات حلويات
شعيرية حلويات بالشوكولا
الطريقة:
نحط الزبدة والسكر في الخلاط
ونخلط جيييدا حتى نتحصل على خليط ابيض كريمي،نضيف عليه البيضة والحليب والخميرة والفاني على التوالي مع الخلط المستمر وفي الاخير نضيف الفرينة بالشوية حتى نتحصل على عجينة لينة ماتلصقش .
[img][/img]
راح نحتاج لجرارة وورقة عرضها 6 سم الهدف منهم قص مربعات متساوية نفرد العجينة رقيقة شوية ونقص بالجرارة المربعات اللي طول ضلعها 6سم
[img][/img]
ونكمل حتى نعمل كل العجينة ونحاول ننحي الزوائد بهذا الشكل
[img][/img]
نحضر خليط جوز الهند مع الكاكاو
[img][/img]
نرشوه على كل المربعات بهذا الشكل
[img][/img]
ونلف كل واحدة واحدها كما في الصورة
[img][/img]
وندخلهم في فرن مسخن مسبقا على حرارة 180 او اقل للناس اللي فرنها ساااااخن
[img][/img]
لما يخرجو من الفرن ويبردو نبدا التزيين نغطسهم في الشوكولا ومن بعد نحط شوية شعيرية حلويات على الطرفين ووردة في الوسط

حلوة سهلة وتبان هايلة تسلم الايادي

omo.akram كتب:

حلوة سهلة وتبان هايلة تسلم الايادي

شكرا على الرد الطيب نورتي موضوعي

درك نجربها في العيد
تسلم الايادي باينة تهبل شكلا و مداقا     

حلوى ساهلة و خفيفة الله يبارك فيكم

soso Dziriya كتب:

درك نجربها في العيد
تسلم الايادي باينة تهبل شكلا و مداقا     

ان شاء الله يا اختي و نقولك مسبقا بصحتكم و شكرا على الرد الطيب

انوارالورد كتب:

حلوى ساهلة و خفيفة الله يبارك فيكم

و فيكم بارك الرحمان شكرا على الرد الطيب

ya3tik esaha oukhtah gatou sahel w bahy w ybane bnine merci

شكرا عجبتني الحلوة بزاف يعطيك الصحة